قصص عن عجائب الاستغفار

جمعت لكم اليوم قصص جميلة عن الإستغفار كتبت بأنامل أصحابها :

أتمنى لي ولكم الفائدة فهي قصص مؤثرة ورائعه

قصه احدى الزميلات حدثت لها شخصيا تقول بينما نحن في الطريق في رحله عائليه تذكرنا ان نسينا موصل ا لغاز وكنا باخر الطريق ما نقدر نرجع فقلنا ايش الحل وكيف نسوي الغدا فكان عمي معانا وكان رجل دين قال لنا عليكم بالاستغفار استغفرو ما استغفرت
الا واجاب الله دعوتي للاسف العائله ضحكت عليه قالو صح يمكن ينزل من السماء او نلقاه قدامنا نابت فاخذ عمي يستغفر الله حتى وصلنا نزلنا في الموقع ونسينا الموضوع لانه كان مستحيل نرجع ورحنا نتمشى وعمي راح يتمشى لحاله مادرينا الا راجع لنا موصل الغاز( الي) بيده لقاه في مكان عائله ناسيته سبحان الله شفتو فضل الاستغفار حتى في الامور الصغيره فما بالكم بالامور الكبيره .
استغفر الله استغفر الله استغفر الله استغفر الله
.................................................. .......

انا بقولكم نصيحتي لوحده من صديقاتي فاتها قطار الزواج
اعطيتها الادعيه الموجوده في عالمنا ,وقلت لها تحري
اوقات الاجابه وابعدي عن كل الملهيات وافضل مكان السطح بعيد عن الملهيات والصور والاشياء اللتي تطرد الملائكه وادعي بهاالادعيه من قلب وخصوصا قبل اذان المغرب بربع ساعه واحسني الظن بالله عزوجل وانه مايخيب دعوة راجيه وكثري من الاستغفار طول يومك وحاولي ان قدرتي تقرين سورة البقرة كل ليله وتتسنين وتدعين باللي تمنينه بعدها والله ثم والله ان تشوفين ماتمنيتيه وان الله مايردك
وصديقتي اخذت بنصيحتي عن قناعه وسوت اللي قلت وكلها امل برب العالمين انه مايردها
اقسم بالله العظيم خلال اسبوعين وهي مخطوبه لشاب من خيرة الشباب وبعد اسبوعين ثانيه تملكت عليه والحين متزوجه والى الان ماتركت الاستغفار صار لها 9 شهور متزوجه تقول كل يوم صرت استغفر واحمد الله واشكره على النعمه اللي انا فيها ومنعت زوجي من دخول التلفزيون بيتنا ومع الدعاء والاستغفار صار زوجها ملتحي ومايترك قيام الليل مع انه في البدايه بس يقوم بفروضه...
لاتتهاونون بالاستغفار
__________________________
قصتي فضيعة تعالوا اسردها حبة حبة .
كان معي زميلة تحكي لنا نحن البنات ايام الكلية قصص
رائعة مفيدة الله يذكرها بالخير ..
تقول فيه وحدة من قريباتها كانت تعاني من عدم الانجاب
لسنوات عديدة والبنت هذي لا تعمل رغم انها متخرجة من كلية التربية الادبية اللي في الملز قبل ان تكون مجمع الكليات المهم ظلت فترة تحاول في الانجاب او حتى وظيفة تسليها وتشيل عنها هم التفكير في العيال وكان هم زوجها رغم هذه السنوات العديدة الا تحمل ببنت لان جماعتهم باقي عندهم فكرة الولد ولا البنت .
بعد الطفش من المراجعات في العيادة قابلت بنت ملتزمة
حافظة لكتاب الله كما قالت فسالتها البنت ايش فيك حزينة ومكتئبة لا يكون احد العيال
تعبان فصاحبتنا سقطت دمعتها وقالت من وين
ياحسرة ما في البيت الا دمى لكل واحد له اسم
فعندي خالد ومحمد وصالح باسم ابوية ونورة باسم امي .
قالت وحدي الله وما ابغى اشوف احد اليوم زعلان
لان اليوم اتممت تسميع اجزاء القران على المعلمة(بنات على فكرة صاحبتنا ام الدمى التحقت بدار ذكر في اسمه
دار القران كان تعرفونه .فحكتلها البنت السالفة
من الى وكيف ان زوجها يعاملها الشين لاجل الانجاب
ويهددها بالاخرى والبنت تحبه وتتمنى الموت ولا الضرة .
المهم قالت الملتزمة وكلنا ان شاء ربي ملتزمات
بطاعته ولانزكي انفسنا ؟الزمي الاستغفار وان
لم يتبدل حالك شاء ربي فلا تسميني فلانه .

سبحان الله بعد فترة حملت البنت وفي نفس الشهر
نزل تعيينها في منطقة النماص في الجنوب
وبعد تسعة اشهر بشرها الدكتور بمولود
اسمته عبد الله وبعد النفاس فقط باشهر قليلة حملت
وكانت نهاية مانقلته زميلتنا عنها
اعطاها الله الولد البنين
الوظيفة اموال
الجو الرائع الممطر (يرسل السماء عليكم مدرارا)

سبحان اللة قلت وقولك الحق .

------------------------------------------

هذي قصة حقيقيه صارت في االاجازه الصيفيه اللي فاتت
وحده من صديقات امي ضعيفه ماعندها عيال وزوجها كبير في السن ومريض مايوصل حتى الحمام اكرمكم الله وحالتهم المادية اسواء من السيئه علاج زوجها
في الاسبوع مية ريال وما عندهم مصدر دخل معتمده على الناس وصدقاتهم
المهم في الاجازه كل اللي يعرفونها ويعطونها سافرو طبعا من ضمنهم الوالده الله يحفضها...
تقول صديقة امي وصلت مرحله مافي بيتنا الا المويه فقط ...
والرجال له اسبوع ماخذ علاجه وصار بين الموت والحياة يستفرغ الله يكرمكم دم...تقول جلست استغفر
واستغفر تقريبا
استغفرت 1500 مره وكبرت اصلي ما دريت
الا بطفل يطق الباب واسمعه يقول خاله خاله تقول كملت صلاتي وبعدها فتحت الباب مالقيت احد..رجعت اصلي وادعي الا اسمع وحده تطق الباب تقول بيت فلان تقول جيت بسرعه وفتحت قلت ايه بيت فلان تقول رمت علي ظرف وسكرت الباب بدون ما تتكلم تقول لما فتحت الظرف لقيت فيه الف وخمس ميه ريال...تقول ما تتخيلون فرحتي عرفت ان الله ماينسى عبيده وان هذا ثر استغفاري الله ارسلي رزقي ورزق زوجي المريض
.........................

» من عجائب وغرائب النساء..؟؟