أنت يوم انك سريـت وجيتنـي والله هـداك

أنت يوم انك سريـت وجيتنـي والله هـداك
.................................... ارتفع سهم القصايد واعتلى قـدره وشأنـه

وأنت يوم انك لفيت وقلت جيت وقلت هـاك
.................................... دمعةٍ من قربك اللـي .. الله يثبـت مكانـه

وانت يوم انك تعرف اني ماعشق إلا سواك
.................................... ليه تبعد وانت خابر فالبعد مابـه ميانـه .!

وإن بغيت الصدق اسكتّ! من مكانتك وغلاك
.................................... والبعد اكره مكانه .. وانتظر موتت زمانـه

طال ليلي وانتظرتك ..والخطا ظنـي خطـاك
.................................... والشعر شفّّه وتمقّل في دمع حرفه وعانـه

ينتظر منك الرجوع .. ولا يبـي إلا رضـاك
.................................... له شهر! ماهوب صاحب لا ولاهو بالتكانـه

لابغيت اعيش جوّي وارتقي لآخـر سمـاك
.................................... أذكر انك منت حولي قلي: إبربـك أمانـه.!

منهو اللي علمك درس المحبه من عطـاك
.................................... كل ماله مع قصيده يـآول الحبّ ، وحنانـه

ومنهو اللي قد تغزّل في جمالك فـي بهـاك
.................................... واشتهر شعره وكلٍ يستمع مرخـي اذانـه

رغم ان الحرف مني لـو ابكتـب ماوفـاك
.................................... لو اقول انك في خانه والبشر دائم في خانه

ومنهو اللي في زمانك شربّك عشق وسقاك
.................................... وعشته البحر وتغنى في سموّك وانت دانـه

عقبها وش حيلة اللي لا بغـاك ولا لقـاك
.................................... غايبٍ وأحيان احس ان الغياب اصل الخيانه

عاشقك من يوم جيته من بعد غيبه نخـاك
.................................... وقبلّ إيدين الرجوع وقال بيتٍ فـي ضمانـه

أنت يوم انك سريـت وجيتنـي والله هـداك
.................................... ارتفع سهم القصائد واعتلى قـدره وشأنـه

رغم ان الحرف مني لـو ابكتـب ماوفـاك
.................................... لو اقول انك في خانه والبشر دائم في خانه

مشكور يا امير الله يبارك بعمرك