عواد لامن جاك من الناس نشاد

بديت بأسم اللي له الوجه سـجاد
ربـي إلـــه الكـــون جــل َ جلالـه
.
اللي رفع سبعٍ بلا عـلق وعماد
هو باسطٍ سبـعه ومرسي جبالـه
.
من بعد ذا ياقصيدي جـاك مــناد
صوت الرعود اللي تزايـد خيالـه
.
يامـزنةٍ هلت بهـا ربـح وأفــواد
أروي بهـا أرضٍ تـزايد محالـه
.
شعبانـهـا تـدرج بجــده وبغـــداد
واللي ورى البحرين جـاهم همـاله
.
من عقـبه الريضان ترعابـه أذواد
وراع الغـنم دواج سرح حلالـه
.
ياوجـد حالي وجد عاشق وصـياد
شاف الـسواد اللي طويلن ظلالـه
.
صـوب يبي يصطاد والصيد ماجـاد
صـيده طريح(ن)وسط جو ٍ لحـاله
.
يوم أقـترب دلا ٌ يترعـد تــرعـاد
هذي هوى قـلبه ومـوته دنالــه
.
لحقـته تبي البعد عن عين نـقاد
وتبي تسولـف بالهوى مـاطرالـه
.
ماتـدري أن الحب للموت ميـعاد
والـموت حبل الود قــطع حبالـه
.
قال : بندقـي أصبح عذول ٍ وحساد
قالت : تـرى موتي عذلنا وجــاله
.
وأصبح يصيح وصيحته له تـرداد
خسر هوى قلبه وهــي راس ماله
.
أو ياوجودي وجد أميـر(ن) وينقاد
عقب المعزه والتــرف والشـكالـه
.
ضامه أبن عــــمه وبـملكهم ساد
الـملك راح وباقـــي الملك شـاله
.
حكـم عليه أبـن عمـه بـالأبــعــاد
وجـلي عـن دياره ولاحد(ن) بقاله
.
لامــال لاشـان لاصــحبــه وزاد
لاجــاه لاسـلـطان لاحـي فــــاله
.
هذا وجـــودي وأتوجد تـــوجـاد
وجـــد اليتيـــم اللي طلب دم خاله
.
عواد أنا معـتاد معــتاد مـــعتـاد
لاوجست ضيـقه أكتــبه في مقاله
.
ماعـاد فيـني صـبر مـاعاد ماعاد
صـبري نــفذ والياس قلبي دعاله
.
قلبي به جروح(ن) قديمات وجداد
وجسمي نحل وعظام جسمي هزاله
.
عواد لامن جاك من الناس نـشـاد
قله شــديد الـباس وبـخير حـاله
.
وأفطن ألامن جاك من الناس وداد
قـلـه طــواه اليـاس طــيء الرساله
.
النـاس مــاله عــن حكــي السو رداد
تــفرح إلامـــن صـار بالنـــاس قاله
.
وأنـا أحـمد اللــه مــالحق بي تنقاد
وأثـق وأعـرف دروب رجلي عداله
.
لاكـن لحقني وقت بـه قـل الأجــواد
أمثــال خالي زم حـــملي وشالـه
.
خله على اللـه يــاعضيدي فلا فــاد
هـذا زمان(ن) فيــه زايـــد احثـاله
.
راحوا هل السكبات والجود وش عاد
تسـوى حـياتي دام راحـــو رجــالـه
.
راح الــزمان اللــي به النــاس وراد
على قـليب الطيب وأرشـا الجـمالـه
.
وجـانا زمـانن فيه طَقـوُ بــه َ أوتــاد
بيت الغـدر والبـــوق أهــل النــذالــه
.
وختـامهـا صــلو على محمد أعــداد
مـالاح بــرق أمــزون هــلت وساله

دحام لامن جاك من الناس نشاد

قله شــديد الـباس وبـخير حـاله
------------------------------
مشكور ابن العم اصيل على انتقائك
هذه القصيد الجميله للشاعر عبدالله اليامي
اسعدتني مشاركتك

» سؤآل هل ينقطع المعروف بين الناس..؟؟