البارحه عيت عيونـي عـن النـوم

البارحه عيت عيونـي عـن النـوم
يحرم علـى جفنـي لذيـذ المنامـي
أعـدل القيفـان وابيـع واســوم
وأداعب الأفكار شرق(ن) وشامـي
الفارس اللي فاللقـى ينطـح القـوم
عقب الشجاعه شاف مـخ العظامـي
مكسور عظم الفخذ والساق مقسـوم
صعب الجلوس ولا اهتنى بالمقامـي
مظلوم أنا من ناعس الطرف مظلوم
اللي من أسبابـه شكيـت الهيامـي
غرون غرير(ن) سمم القلب بسهـوم
سهم المنايـا ذاق طعـن السهامـي
جاني نهـار العيـد يزهنّـه هـدوم
وقال السلام وقلت ما مـن سلامـي
قال السلام وكـل شيطـان ملطـوم
واجب على مثلـك يـرد السلامـي
ثم قلت أهلاً عد مـا تنشـي غيـوم
وعداد من صلى الفريضه وصامـي
يا مرحبا ترحيب مجبـر وملـزوم
يا من زهيت البنجـره والزمامـي
يابو جديل(ن) فوق الأمتان مـردوم
وعين أشقر(ن) من كف راعيه حامي
أنا صويبك بالهـوى دايـم الـدوم
ومن غير سيفي دوك هـذا حزامـي
من سبتك ياداعـج العيـن مهـزوم
مصيبتـي لـو ينتقدنـي خمامـي
أنا من أسباب الهوى صرت مهمـوم
هم (ن) جديد وهـم يمشـي بعامـي
لد النظر ثم قال يا سعـود محشـوم
انت من اللـي يحتمـون الجهامـي
عطنـي مواثيقـك وبجيـك بعلـوم
حقك علينـا بـان يبـن الحشامـي
لكن أخاف إنك على السـر مذمـوم
أحـذر مـن الزلـه ورد الكلامـي
خلك صليب الراي والسـر مكتـوم
وبالك على الجاهل تسوق العلامـي
ثم قلت حفظ السر واجـب ومحتـوم
يفرض عليه مثل فـرض النظامـي
السر في بير(ن) عن الورد مـردوم
مايدهله فالقيض عطـش الضوامـي
درست نوع الصمت آيات ورقـوم
حاضي حرام محرمه كـل ضامـي
لو يجتمع جيشاً من الترك والـروم
علـى هزيمتهـم نقلـت الحسامـي
وصلاة ربي عـد ماتبـدي نجـوم
علـى نبيـاً مامشـى بالحـرامـي
الشاعر / سعود بن سعيد المرزوقي

نطق لسانك ما بقلبك

فحلق بك في سماء

الابداع والتفوق

صح لسانك

ارميلي حر