فتاة تصفع خطيبها كف علشان هدية العيد..؟؟

فتاة تصفع خطيبها كف علشان هدية العيد..؟؟

السلام عليكم ورحمة الله وبركاته ..

قصة فتاه أنخطبت وهي بترويها لكم

تقوول:
أني أنخطبت و قال لي خطيبي حأعطيكي هدية على العيد.. أنا خلاص . لاتسألوا عني ..
وجهي سار احمر ومن الفرحة ولم تسعني الدنيآ .

قلت له : ايش هي .؟؟؟

قال : هدية والهدية ما تنقال .

ويوم راح : وأنا أفكر إش ممكن تكون هذة الهدية ؟

وأسأل بنات خالاتي .

سارة : طبعا قالت ورد أحمر تعبيرا للحب .

ومريم قالت : طقم ذهب.

أختي نهى : والله ما أعرف بس ممكن ذهب زي مقالت مريم .

وأنا اليوم كله أفكر لا ذقت طعم النوم ولا شفته بعيوني .

وأقول من الصبح ايش هي الهدية ؟

ما خليت أحد في البيت إلا ورجيته عن ما هية الهدية.

أمي تقولي : بس خلاص لا ترجينا والله و برب الكعبة إني ما أدري إيش هذي الهدية . لا ترجينا خلاص.

وأبوي : لاحول ولا قوة إلا بالله يا بنت الناس خلاص ما أبغى أسمع صوتك جننتينا من أمس
و أنت تسألي نفس السؤال..
حفظتيني إياه إيش ممكن تكون الهدية .. إيش ممكن تكون الهدية خلاص خلي الواحد يستريخ .

وأنا أفكر وخيالي طار من عقلي ..

الهدية حتكون أنو يفاجئني بتذاكر سفر على أوروبا ممكن.

ولا تكون اشياء جميلة عند سفرنا لشهر العسل في أوروبا .

وقاعدة أفكر و أفكر و أفكر و أفكر ..

المهم وصل وجاي ياخذني عالبحر و يعطيني الهدية ؟

وأنا مرة واقفة على أعصابي ..

وقال لي أحزري إيش هي ؟

وأنا أقول له : قول إيش هي ..؟

وهو يقول : لا أحزري ؟

وأنا واقفة على أعصابي وأقول : ما أعرف أنت قول .

وأقول في عقلي : ( ليش مو راضي يقولي يلعب في اعصابي ) ..

وأنا أعصابي ماتت ..

فطلعلي علبة حلاوة صغيرة وقال هذي هي .

وأنا لا إراديآ من القهر أعطيتة كف على وجهه .

( لي يومين واقفة على أعصابي و أخر شيء يطلعلي علبة حلاوة صغيرة و يقول هدية حلوة
وأحزري خلاني أفقد أعصابي..فشلني الله يفشله)

المهم : قال لي ليه هالكف إش سويت ..

قلت وأنا ميتة من الكسفة: أسفة بس ..آه ..آه ..أنا .. أنا كنت أحسب الهدية حاجة أكثر من كذا..
ولا إن علبة حلاوة حلوة برضو ...

فقال : إنتي ما فتحتي العلبة علشان تعرفي إيش فيها ..

أنا : إش تقصد هذي إلحين مو حلاوة .

فقال وهو يضحك : إنتي إفتحيها أول وشوفي إيش هي .؟

أنا أخذت العلبة منه وأنا راسي في رجولي من الكسفة .

وفتحتها ولقيت داخلها علبة صغيرة حلوة .

وأخذت العلبة الصغيرة و فتحتها ولقيت.؟

لقيت خااااااااااااااااااتم ذهب مرصع بالألماس ..؟

وبجانبه بطاقة على شكل قلب لونها أحمر مكتوب فيها i love you

وأنا خلاص مت من القهر على نفسي على إلي سويته قبل شوي و قاعدة أبكي و أبكي وأتأسفت منه

وقاعد هو يهديني و يقول ما في شيء يبكي أنا لو كنت مكانك لسويت إلي سويتيه ..

وحتى الأن أنا مكسوفة و كل ما أفتكر هذا الموقف أقعد أبكي من الكسفة والاحرج من خطيبي..

تحيات
ماجد البلوي

» جريمة مقتل لطفله مصرية شاهدت عمتها في احضان خطيبها..؟؟
» قصه ونكته كعك العيد..؟؟
» قصة حقيقية..حلم بدلة العيد لطفل سوري.؟؟
» قصة حقيقية عن خروف العيد..؟؟
» من طرائف وحكايات ضحايا العيد في مصر..؟؟