أقول لك يا جار كانك طعتني برقع الطير..؟؟

أقول لك يا جار كانك طعتني برقع الطير..؟؟

هذه القصيده قالها الشاعر عندما رأى بنت جاره بنيه مزيونه لانها دائما كاشفه وجهها..
فقال هالقصيدة لجاره عشان يفهمها ..
والان اخليكم مع القصيده ...وان شاء الله تعجبكم ..

** الشاعرهادي الرزقي اليامي**

ياجار كانك طعتني برقع الطير
طيرك وحش واقلوبنا مستميته

لولاي رجلٍ من رجال بهم خير
ماصد واغض النظر من بخيته

ياجار طيرك كل ماعرّض اعصير
مدري علامه يلتفت مادعيته

يمر كنّه شارد الصيد لاذير
لابوه لابو حي حيّه ، وميته
اغير,وانذر ، وانذر القوم ، واغير
وابيع روحي ، وانهزم لابغيته

يردّني ياجار طبعٍ لنا غير
الجار ماندرج الغرات بيته

يبقا على حشمه ، وشيمه ، وتقدير
ويروح عنّي بالردا ماقفيته

من خوف شيِ مابعد صار ، ويصير
يامّا هدمت البيت ، والاّ بنيته

بعدٍ عن الهيّن معزّه وتوقير
ورجمٍ على غير النقا مابديته

يحدني يم الخطا دون تبرير
الي بلاني بالهوى ، مابليته

وانا بشر مني خطايا وتقصير
الله يغفر كل ذنبٍ جنيته
وسلامتكم..
تحيات
ماجد البلوي